“Oʻzbekneftgaz” AJ ga nisbatan ish qoʻzgʻatildi

Raqobat qoʻmitasining Toshkent shahar hududiy boshqarmasi tomonidan, Toshkent shahrida oʻtkazilayotgan davlat xaridlarida “Raqobat toʻgʻrisida”gi hamda “Davlat xaridlari toʻgʻrisida”gi qonunlariga rioya etilishi yuzasidan elektron maxsus axborot portallaridagi maʼlumotlardan foydalangan holda doimiy monitoring oʻtkazilmoqda.

Oʻrganishlar natijasidan soʻng qonunbuzilish holatlari aniqlangan. 

“Raqobat toʻgʻrisida”gi qonun va Vazirlar Mahkamasining 225-sonli qarori bilan tasdiqlangan nizom talablari buzilishi alomatlari bilan  “Oʻzbekneftgaz” AJga nisbatan ish qoʻzgʻatildi. 
Qoʻzgʻatilgan ish oʻrnatilgan tartibda koʻrib chiqilib, qaror qabul qilingandan soʻng qoʻshimcha axborot berilishi aytildi.
Avvalroq Raqobatni rivojlantirish va isteʼmolchilar huquqlarini himoya qilish qoʻmitasi Abdulaziz Komilovning oʻgʻli Doniyor Komilovga tegishli Petroleum Technology Group kompaniyasi Oʻzbekistonda 78 ta zapravkaga ega boʻlgan UNG Petro kompaniyasining yangi egasiga aylangan. Bunga qadar zapravkalarning egasi “Oʻzbekneftgaz” kompaniyasi boʻlgan. Davlat aktivlarini boshqarish agentligi 2023-yil may oyida 78 ta zapravkaga ega boʻlgan UNG Petro MChJ xususiylashtirilishini eʼlon qilgan edi.
Maʼlumot uchun, D.Komilov Davlat xavfsizlik xizmatining sobiq binosini sotib olgan Metropol Group MChJning ham yagona taʼsischisi hisoblanadi