Perudagi jahon chempionatining ikkinchi kun bahslari yakunlandi

400 metrga yugurish dasturida Jonbibi Hukmova dastlabki saralash bosqichini muvaffaqiyatli yakunladi. 54.12 soniya bilan oʻzining shaxsiy rekordini yangilagan Hukmova yarim finalga yoʻl oldi. Biroq unda atlet qayd etgan 54.87 soniyali natija final yoʻllanmasi uchun kamlik qildi. Ammo Jonbibi Hukmova yarim finalda ishtirok etgan osiyolik yagona atlet boʻldi.

Uch hatlab sakrash dasturida Sharifa Davronova 13.29 metr bilan katta qiyinchiliksiz final yoʻllanmasiga ega  boʻldi. Afsuski, ushbu dasturda Xushnoza Shavkatova 12.79 metr bilan 15-koʻrsatkichni qayd etdi va medallar uchun kurashish imkoniyatini yoʻqotdi. Endi Davronova 31 avgust kuni ikkinchi chempionlik uchun kurashni davom ettiradi.

Bugun Oʻzbekiston terma jamoasining yana bir aʼzolari Barnoxon Sayfullayeva balandlikka sakrash, Nodir Norboyev esa oʻnkurashning 5 ta dasturida oʻz omadini sinab koʻrishadi.