Prezident Diyora Keldiboyevani tabrikladi

Unda qayd etilishicha, Prezident yozgi Olimpiya oʻyinlarida -52 kilogrammgacha vazn toifasida barcha raqibalarini yengib, gʻolib boʻlgan Diyora Keldiyorova bilan telefon orqali muloqot qilib, unga minnatdorchilik bildirgan.

Shuningdek, Saida Mirziyoyeva ham oʻzining ijtimoiy sahifasida gʻolibni tabriklab post yozgan.

“Dzyudochi Diyora Keldiyorova — Oʻzbekiston tarixida yozgi Olimpiya oʻyinlarida oltinmedal olgan ilk ayol sportchi! Shuningdek, u Olimpiadada dzyudo boʻyicha ilk oltin medalni olgan sportchimiz sifatida ham tarixga kirdi.

Diyoraning yorqin gʻalabasi — bu faqatgina “oltinmedal” emas, balki sport toʻgaraklarida tinimsiz shugʻullanib, ulkan zafarlar haqida orzu qilayotgan koʻplab qizlar uchun motivatsiya hamdir”, 

deydi u.

Diyora Keldiboyeva -52 kg vazn toifasi vakili kosovalik Distriya Krasnichiga qarshi tatamiga chiqqan. Bellashuvda Diyora raqibini yengib, oltinmedal sohibiga aylangan. Shu tariqa u Olimpiya oʻyinlari chempionligini qoʻlga kiritgan.

Avvalroq, Diyora Keldiboyeva nimchorak finalda yaponiyalik Uta Abeni yengib, chorak finalga chiqqan edi. 1/4 finalda germaniyalik Masha Ballhausni taslim etgandi. Yarim finalda esa oʻzbekistonlik dzyudochi mezbon Amandin Busharni magʻlubiyatga uchratgangan.

Maʼlumot uchun, Oʻzbekiston 16 yil deganda birinchi marotaba ayol sportchi tomonidan Olimp shohsupasiga koʻtarildi.