Rossiyada oʻzbekistonlik ayol 6 oylik chaqaloqni oʻldirib qoʻydi

Qayd etilishicha, Sankt-Peterburg shahrida istiqomat qiluvchi oila olti oylik chaqaloqqa qarab turish uchun 24 yoshli oʻzbekistonlik ayolni yollagan. Ayol bolani choʻmiltirayotganida uni yiqitib yuborgan. Buning oqibatida bolaning boshi vannaga urilgan. Soʻng enaga tez yordam chaqirgan. Biroq shifokorlar chaqaloqni saqlab qola olmagan. Bola klinik oʻlim bilan shifoxonaga olib borilgan. 

Shifokorlar chaqaloqning oʻlimiga bosh miyadan olgan jarohati oqibatida suyaklarining sinishi sabab boʻlganligini bildirgan. Ammo ayol tergov qilinganda bolaning harorati koʻtarilgani va unga "Nurofen" dorisini berganini aytgan. Shundan soʻng chaqaloqda tutqanoq paydo boʻlgani va u hushidan ketmaganini ochiqlagan. 

Mazkur voqea sababchisi deb koʻrsatilayotgan ayol Moskva tuman sudi tomonidan chaqaloqning oʻlimida aybdor deb topilib, hibsga olingan. U ikki oyga, yaʼni 16 dekabrgacha tergov izolyatoriga yuborildi. 

Bundan tashqari, xabarda ayblanuvchi rus tilini yaxshi bilmagani uchun sud majlisi davomida unga tarjimon yordam bergani, oldin sudlanmagani hamda ayblanuvchining bir yarim yoshli farzandi borligi maʼlum qilingan.