Rossiyaning “Stroyproyekt” kompaniyasi Panorama yonida 10 million dollarga biznes markazi quradi

Savdo-sanoat palatasi matbuot xizmati Rossiyaning “Stroyproyekt” kompaniyasi Toshkentda 10 million dollarlik zamonaviy biznes markazi quradi, deb xabar bergan.

Biznes-markaz davlat-xususiy sheriklik shartlari asosida investor mablagʻlari hisobidan quriladi. Buning natijasida 150 ta yangi ish oʻrni yaratiladi.

Bino qoʻshimcha ikki qavatli yer osti avtoturargohini oʻz ichiga oladi. Biznes markaz faoliyati muqobil va qayta tiklanuvchi energiya manbalaridan foydalanish hisobiga taʼminlanadi. Qurilish jarayonida birorta ham daraxtga zarar yetkazilmaydi va atrof-muhitni muhofaza qilish vazirligi bilan birgalikda barcha daraxtlar inventarizatsiyadan oʻtkaziladi, deya taʼkidlagan Savdo-sanoat palatasi.

Biznes markazi quriladigan hududda koʻplab daraxtlar bor va tabiiyki qurilish jarayonida daraxtlarga zarar yetkazilshi mumkin. 

Eslatib oʻtamiz, 2023 yil boshida Prezident Shavkat Mirziyoyev Toshkentda yashillik yetarli darajada taʼminlanmaguncha yangi qurilishlarga moratoriy eʼlon qilinishini aytgan edi.