Samarqand viloyatida narkotik moddalarning noqonuniy aylanmasiga chek qoʻyildi

Xususan, viloyat ichki ishlar boshqarmasi xodimlari bilan hamkorlikda amalga oshirilgan faol tadbirda, Urgut tumanida istiqomat qiluvchi, 1992 y.t. fuqaroning yashash xonadoni xolislar ishtirokida koʻzdan kechirildi.

Natijada, hovlidagi daraxt tagiga Tojikistondan keltirilgan 960 gr “opiy” moddasi koʻmib qoʻyilganligi maʼlum boʻldi va ashyoviy dalil sifatida rasmiylashtirib olindi.

Ichki ishlar va Bojxona organlari xodimlari bilan hamkorlikda olib borilgan tezkor-qidiruv tadbirlari davomida esa Pastdargʻom tumanida istiqomat qiluvchi, 1971 y.t. fuqaroning yashash xonadoni xolislar ishtirokida koʻzdan kechirildi.

Natijada xonadondagi mavjud ogʻilxonada 25 kg 520 gr “marixuana” giyohvandlik oʻsimligi saqlanayotganligi aniqlanib, ashyoviy dalil sifatida olindi. 

Hozirda har ikki holat boʻyicha mazkur shaxslarga nisbatan Jinoyat kodeksining 25,273-moddasi 5-qismi (giyohvandlik vositalari, ularning analoglari yoki psixotrop moddalarni oʻtkazish...) bilan jinoyat ishlari qoʻzgʻatilib, “qamoq” ehtiyot chorasi qoʻllanildi.

Tergov harakatlari olib borilmoqda.