Yangi kitob: “Erkin millat poydevori”

Muallif ushbu asarni bir necha oʻn yillik ilmiy va tahliliy izlanishlari natijasi sifatida taqdim etadi. Kitobda Oʻzbekiston jamiyati va davlatchiligining shakllanish jarayonlari, siyosiy tafakkur evolyutsiyasi, boshqaruv madaniyati, jamiyat zehniyati hamda qadriyatlar masalasi atroflicha tahlil qilingan.

Asarda quyidagi yoʻnalishlarga alohida eʼtibor qaratilgan:

• davlat va jamiyat munosabatlari;
• siyosiy madaniyat va plyuralizm;
• erkinlik va huquqiy davlatchilik;
• ijtimoiy ishonch va norozilik tabiati;
• tashqi siyosat va geosiyosiy yondashuvlar;
• yaqin oʻtmish va bugungi transformatsiya jarayonlari.

Muallif qadriyatlar prizmasi orqali millatning birlashuv qobiliyati, yangi davrda yangi zehniyat va siyosiy madaniyat shakllanishi masalalarini yoritishga harakat qilgan.

Kitob siyosatshunoslar, jurnalistlar, talabalar hamda mamlakat taraqqiyoti masalalariga qiziquvchi keng kitobxonlar uchun moʻljallangan.

Nashr va taqdimot tafsilotlari boʻyicha qoʻshimcha maʼlumotlar yaqin kunlarda eʼlon qilinishi kutilmoqda.