Samarqanddagi maktab va bogʻchada boʻgʻma ilon bilan noqonuniy tomosha qoʻyildi

Qayd etilishicha, voqea joriy yilning 24 oktabr kuni Samarqand viloyati Qoʻshrabot tumanida joylashgan maktabgacha taʼlim muassasasida kuzatilgan. 

Viloyatning Ishtixon tumanida yashovchi B.M. hamda I.B.lar 60 nafarga yaqin tarbiyalanuvchilarining koʻz oʻngida boʻgʻma ilon (Qizil kitobga kiritilgan, noqonuniy ravishda saqlangan yoʻlbars pitonining uzunligi 2,50 metr) bilan sirk tomoshasini namoyish qilgan. 

B.M. faoliyat yurituvchi MChJ tomonidan Qoʻshrabot tuman hududida joriy yilning 31 dekabr kuniga qadar zamonaviy sirk tomoshalarini oʻtkazish uchun ruxsatnomasi boʻlsa-da, uning doirasida "Ilon oʻyini" namoyish etish koʻzda tutilmagan. 

Tekshirish davomida M.B. hamda B.I.lar tomonidan moddiy manfaatdorlik evaziga Qoʻshrabot tumanida joylashgan yana 8 ta umumtaʼlim maktablarda ham mazkur boʻgʻma ilon bilan sirk tomoshasi oʻtkazilganligi aniqlangan (jami 840 nafar oʻquvchi tomoshabin boʻlib ishtirok etgan). 

Shundan soʻng, yaʼni 26 noyabr kuni B.M.tomonidan noqonuniy ravishda saqlangan yoʻlbars pitoni mutaxassislar ishtirokida hujjatlashtirilib, viloyat Ekologiya boshqarmasiga tegishli tartibda topshirilgan. 

Hozirda yuqoridagi holat yuzasidan-yuzasidan tergovga qadar tekshiruv harakatlari davom ettirilib, vaziyatga huquqiy baho berish yuzasidan qonuniy choralar koʻrilmoqda.