Hasanboy Doʻsmatov professional boksda navbatdagi jangini oʻtkazdi

Qirgʻiz Respublikasining Bishkek shahridagi shu nomdagi arenada professional boks oqshomi boʻlib oʻtdi. Musobaqa doirasida havaskor boksda ikki karra Olimpiada chempioni Hasanboy Doʻsmatov Filippin vakili Mark Antonio bilan toʻqnash keldi.

8 raundlik bellashuv toʻliq davom etdi. Yakunda barcha hakamlar bir ovozdan Doʻsmatovning gʻalabasini eʼlon qildi.

Shunday qilib, 32 yoshli Hasanboy prof ringdagi yettinchi jangida oʻzining yettinchi gʻalabasini nishonladi. Yurtdoshimiz bungacha soʻnggi jangini 2023 yil noyabr oyida Rossiya Federatsiyasida JAR vakili Sipxamandla Baleniga qarshi oʻtkazib, ochkolar hisobiga koʻra zafar quchgandi.

28 yashar Mark Antonio hisobida esa endi 11 ta gʻalabadan tashqari 3 ta magʻlubiyat mavjud.