III Osiyo yoshlar oʻyinlari: oʻzbekistonliklar yana 13 ta medalni qoʻlga kiritdi

Bahraynda boʻlib oʻtayotgan III Osiyo yoshlar oʻyinlarining navbatdagi kunida oʻzbekistonliklar 13 ta mukofotga sazovor boʻlishdi, deya xabar beradi MOQ.

Respublika terma jamoasi aʼzolari boks, suzish, gandbol, ogʻir atletika, futzal, erkin kurash va velosport boʻyicha bellashuvlarda qatnashishdi.

«Kun davomida Oʻzbekiston sportchilari 5 ta oltin va 8 ta bronza medalini qoʻlga kiritishdi», — deyiladi xabarda.

Gʻoliblar:

Oltin

Gulhayo Sattorova (velosport, guruhli poyga).

Marjona Abdumutalova (ogʻir atletika, siltab koʻtarish, 58 kg gacha).

Marjona Abdumutalova (ogʻir atletika, dast koʻtarish, 58 kg gacha).

Muxlisa Masharipova (erkin kurash, 40 kg gacha).

Ulugʻbek Rashidov (erkin kurash, 51 kg gacha).

Bronza

Mirjalol Mukammilov (erkin kurash, 45 kg gacha).

Mehribono Qudoynazarova (erkin kurash, 46 kg gacha).

Faxriddin Nasriddinov (erkin kurash, 60 kg gacha).

Farruxbek Jumanazarov (erkin kurash, 71 kg gacha).

Muhammadismoil Raxmonov (suzish, 200 m brass).

Sarvinoz Kupaysinova (ogʻir atletika, siltab koʻtarish, 63 kg gacha).

Ulbosin Jalgʻasbayeva (boks, 66 kg gacha).

Nazokat Mardonova (boks, 50 kg gacha).

Bugun respublika vakillari ogʻir atletika, erkin kurash, jiyu-jitsu, dzyudo, suzish, voleybol va velosport boʻyicha musobaqalarda ishtirok etishmoqda.

Manamada oʻtayotgan III Osiyo yoshlar oʻyinlarida 45 ta osiyo mamlakatidan sportchilar ishtirok etmoqda. Musobaqalar 26 ta sport turini oʻz ichiga oladi va 31 oktabrgacha davom etadi.