Parij–2024: Ispaniya futbol boʻyicha Olimpiada chempioni boʻldi

Oʻyinda fransuzlar hisobni ochdi. Soʻng ispanlar uchta gol bilan javob bergan boʻlsada, mezbonlar oʻyinning asosiy vaqtida hisobni 3:3 qilib tenglashtirdi. Futbolchi Mateta 90+3-daqiqada penaltidan gol urdi. 

Qoʻshimcha boʻlimlarda esa Kamelo dubl qayd etib, Ispaniyaga chempionlikni taqdim etdi. Shu tariqa, ispanlar ketma-ket ikki bor musobaqa finalida oʻynab, ikkinchisida oltin medalga ega chiqdi. Oʻyindagi boshqa gollar esa quyidagi vaqtda qayd etilgan:

1:0 — 11-daqiqada Milyo tomonidan;
1:1 — 18-daqiqada Lopes tomonidan;
1:2 — 25-daqiqada  Lopes tomonidan;
1:3 — 28-daqiqada Aleks Baena tomonidan;
2:3 — 79-daqiqada Akliush tomonidan;
3:3 — 90+3 daqiqadagi penalti Mateta tomonidan;
3:4 — 100-daqiqada Kamelo tomonidan;
3:5 — 118-daqiqada Kamelo tomonidan.