Qirgʻiziston Prezidenti oʻzbekistonlik murabbiyga mashina sovgʻa qildi

Qayd etilishicha, Japarov Parij-2024 Olimpiadasida qirgʻizistonlik bokschi Munarbek Seyitbek oʻgʻliga oʻzbekistonlik boks boʻyicha murabbiy Akmal Xasanov sekunddandlik qilgani uchun avtomobil sovgʻa qilgan. Shuningdek, davlat rahbari uning bu harakati Qirgʻiziston va Oʻzbekiston xalqlari oʻrtasidagi doʻstlik va birlikni yuksaltirganini bildirgan.

"Dunyo Markaziy Osiyo xalqlarining oʻzaro birdamligini, doʻstligini va bir-biriga yaqinligini koʻrdi. Sport tinchlik elchisi deyiladi. Sizlarning bu harakatingiz oʻzaro hamjihatlikni mustahkamlashga hissa qoʻshmoqda. Kelgusida ham birdamligingiz mustahkam boʻlsin," deydi Japarov

Bundan tashqari, Prezident Parijdagi Olimpiya oʻyinlarida oʻzbekistonlik sportchilarining yaxshi natijalarni qayd etganiga ham toʻxtaldi.

"Oʻzbekiston sportga alohida eʼtibor qaratdi. Biz esa faqat soʻnggi uch yil ichida sportchilarimizni faol ravishda qoʻllab-quvvatlashni boshladik. Oldin musobaqalarga qatnashish uchun mablagʻni oʻz vaqtida bera olmay qolgan holatlarimiz ham boʻlgan. Hozirda spoʻrtga alohida eʼtibor qaratib, sport uchun barcha zarur shart-sharoitlarni yaratmoqdamiz" deydi Qirgʻiziston rahbari.

Shuningdek, u Munarbek Seyitbek oʻgʻlini Olimpiya oʻyinlarida kumush medalni qoʻlga kiritishida Akmal Xasanovning roli kattaligini bildirgan.

"Bizning ajdodlarimiz qadim zamonlarda qahramonlariga ot taqdim etgan. Hozirda avtomobillar berish anʼanasiga aylangan, ammo anʼananing maʼnosi oʻzgarishsiz qolmoqda — bu oʻziga xos xizmat uchun hurmat va minnatdorchilik ifodasi," deb qoʻshimcha qilgan Japarov.

Akmal Xasanov Qirgʻiziston rahbarining eʼtibori uchun minnatdorligini bildirib, Munarbek Seyitbek oʻgʻli bilan sport yigʻinlarida koʻp uchrashganini va uning sekundanti boʻlishga hech ikkilanmasdan rozi boʻlganini aytgan.