Surxondaryoda noqonuniy daraxt kesgan fuqaroga 9 millionga yaqin jarima belgilandi

Qayd etilishicha, Surxondaryo viloyati Shoʻrchi tuman Ekologiya boʻlimi davlat inspektorlari tomonidan reyd tadbiri oʻtkazilgan. Tadbir davomida ushbu tumanda yashovchi fuqaro xonadoni oldida oʻsib turgan oʻsuvchanligini yoʻqotmagan bir tup terak daraxtini noqonuniy ravishda kesib olgani maʼlum boʻlgan.

“Ushbu daraxtni kesgan shaxs tabiatga 5 million 440 ming soʻm zarar yetkazgan. Fuqaroga kesilgan bir tup daraxt uchun kompensatsiya tarzida 10 tupdan koʻchat ekish va uni parvarishlab berish majburiyati yuklatildi”, deyiladi xabarda.

Shuningdek, yuqoridagi holat yuzasidan fuqaro E.A ga nisbatan Maʼmuriy javobgarlik toʻgʻrisidagi kodeksning 79-moddasi 1-qismiga asosan Bazaviy hisoblash miqdorining 25 barobari 8 million 500 ming soʻm hisobida jarima belgilangan.