Tramp BBC’ni 5 mlrd dollar jarimaga tortmoqchi

Trampning aytishicha, ushbu masala boʻyicha daʼvo arizasi yaqin haftada sudga taqdim etiladi. Prezidentga koʻra, BBC allaqachon tahrirda xatoga yoʻl qoʻyganini tan olgan.

BBC’ning Panorama dasturida qismi birlashtirilgan holda berilgan hujjatli film Tramp tomonidan “soxta va tuhmat” deb baholangan. Yuristlar bunday montaj prezidentning obroʻsi va moliyaviy manfaatlariga zarar yetkazganini qayd etgan.

Telekanal mazkur holat uchun uzr soʻragan, ammo tovon puli toʻlashni rad etgan. Tramp esa buni saylovlarga aralashishga tenglashtirgan.

Hodisadan keyin BBC rahbariyatida bir qator isteʼfolar kuzatildi. Jumladan, telekanal direktori Tim Deyvi va yangiliklar boʻlimi rahbari Debora Tarness lavozimidan ketgani bildirilgan.