Talabalar baribir oʻqish uchun Rossiya hududiga boradigan boʻldi. Ijtimoiy tarmoqdagi mish-mishlar rad etildi

Munosabatda aytilishicha, mazkur xabar haqiqatga toʻgʻri kelmaydi.

Xabarlarda tilga olingan 40 ga yaqin talaba Vazirlar Mahkamasining 2021 yildagi 421-sonli qaroriga koʻra, ikki davlat hamkorligidagi qoʻshma taʼlim dasturiga oʻqishga qabul qilingan.

Taʼlim dasturiga muvofiq har bir talaba bilan shartnoma tuzilgan, unga muvofiq ular 4 va 5-kursni Rossiyaning Nijniy Novgorod shahrida joylashgan Privoljsk tibbiyot tadqiqot universitetida (PIMU) oʻqib tugatish majburiyatini olgan.

Ijtimoiy tarmoqlarda tarqalgan xabarlardan soʻng, Toshkent davlat tibbiyot universiteti rektori Sh.Boymuradov “PIMU” rektori N.Karyakin bilan quyidagilarga kelishildi:

• hamkorlik dasturi boʻyicha oʻqiyotgan barcha Oʻzbekistonlik talabalar uchun alohida yotoqxona ajratish;
• ilgari shartnoma shartlarini bajarmagan va PIMU tomonidan oʻqishdan chetlashtirilgan talabalar uchun akademik yilni yoʻqotmasdan oʻqishga qayta tiklanish imkoniyatini yaratish;
• PIMU tomonidan hamkorlik dasturi talabalari uchun alohida dekanat faoliyatini yuritish. Bunda, ushbu dekanat talabalarni doimiy qoʻllab-quvvatlab boradi, yaʼni aeroportdan-kutib olish, Rossiyada yashash uchun zarur barcha hujjatlarni rasmiylashtirishda yordam beradi.

Shuningdek, vazirlikning yozishicha, Nijniy Novgorod shahri haqida tarqatilgan “harbiy holat eʼlon qilingan hudud” degan maʼlumot ham asossiz deyilmoqda.

Ularga koʻra, Rossiya Federatsiyasining mazkur hududida rasmiy tartibda harbiy holat eʼlon qilinmagan.

Ammo, Reuters axborot agentligi 11 avgustga oʻtar kechasi Ukrainaning Nijniy Novgorodga qilgan dronlar orqali hujumidan soʻng 1 kishi vafot etgani hamda 2 kishi shifoxonaga yotqizilgani haqida yozgan. Shuningdek, Ukraina xavfsizlik vakili hujumda hududdagi raketa komponentlari ishlab chiqaruvchi zavod nishonga olinganini bildirgan.

Maʼlum boʻlishicha hozirgi vaqtda Rossiyadagi mazkur universitet Oʻzbekistonning 5 ta oliy oʻquv yurti bilan 12 ta hamkorlik qilmoqda. Qoʻshma dastur asosida 400 dan ortiq oʻzbekistonliklar “PIMU”da kunduzgi taʼlim shaklida tahsil olmoqda.