Qayd etilishicha, mazkur operatsiya Ukrainaning Rossiya Federatsiyasidagiga “bosqinini” qaytarish va Kursk viloyatini ozod qilish boʻyicha operatsiya gʻalaba bilan yakunlagan.

Shuningdek, askarlar KXDR rahbari Kim Chen In farmoyishiga binoan mazkur Rossiya-Ukraina urushida qatnashgan. Davlat rahbari urushda qatnashgan askarlarni "qahramonlar" deb atab, ular oʻzining yuksak jangovar isteʼdodini toʻla namoyon etganini aytmoqda.

Kim Chen Inning aytishicha, Shimoliy Koreya askarlari Ukrainaning "neonatsizm" qoʻshinlarini yoʻq qilish, ruslar hududi (Kursk)dan gugurt choʻplari va masxarabozlardan (Ukraina qoʻshinlari yoki ukrainaliklar tahrir.) ozod qilishda muhim hissa qoʻshgan.

"Shunday zoʻr askarlari borligi davlatimiz uchun faxr, xalqimiz uchun esa eng yuksak qadr-qimmatdir”" deyiladi xabarda.

Maʼlum boʻlishicha, Shimoliy Koreya askarlarining Rossiya uchun Kursk viloyatida jang qilishi KXDR va Rossiya oʻrtasida tuzilgan strategik sheriklik toʻgʻrisidagi shartnomaning 4-moddasiga asoslanib amalga oshirilgan.

“Kim Chen In buni KXDR va Rossiya oʻrtasidagi anʼanaviy doʻstlik va hamjihatlikni yanada mustahkamlash, ikki davlat taraqqiyoti va farovonligini kafolatlash hamda Koreya Xalq Demokratik Respublikasi sharafini himoya qilishdek muqaddas missiya, deb belgiladi”, deyiladi xabarda.

Eslatib oʻtamiz, Janubiy Koreya razvedkasi, NATO va AQSh Davlat departamenti Kurs viloyatiga 10 mingdan ortiq Shimoliy Koreya askarlari yuborilganini maʼlum qilgan edi.

Joriy yilning yanvar oyida Ukraina askarlari Kursk viloyatida jang qilayotgan ikki shimoliy koreyalik askarni asirga olgan edi. 12 yanvar kuni kuni Ukraina Prezidenti Vladimir Zelenskiy ularni soʻroqqa tutilayotgan aks etgan videolarni ommaga eʼlon qilgan edi. Videoda KXDR askarlari qayerda ekanligini bilmasliklarini, ularga bu faqat oʻquv mashgʻuloti deb aytilganini taʼkidlagan.

#Rossiya-Ukraina urushi

Kim Chen In oʻz askarlarini Rossiya uchun Kurskʼda jang qilayotganini tan oldi