Ukrainaga qarshi urushda 20 ming nafar Markaziy Osiyo fuqarolari ishtirok etmoqda — Bastrikin

"Bizning harbiy tergov boshqarmamiz tekshiruvlar oʻtkazmoqda. Biz allaqachon 80 ming nafar shunday Rossiya fuqarosini aniqladikki, ular jang maydoniga borish u yoqda tursin, harbiy komissariatga borishni ham xohlamaydi. Bu 80 ming kishini topib, harbiy roʻyxatga kiritdik. Hozirda Oʻzbekiston, Tojikiston, Qirgʻizistonda yashashni xohlamagan 20 ming nafar "yangi" Rossiya fuqarosi jang maydonida xizmat qilmoqda," degan u.

 

Shuningdek, u Rossiyadan chiqarib yuborilgan koʻplab muhojirlar oʻz vatanlarida jinoyat sodir etayotganini taʼkidladi.

"Biz muhojirlarni koʻproq chiqara boshlaganimizdan soʻng, ularning vatanlarida jinoyatchilik keskin koʻpaydi. Bu nimani anglatadi? Bizga jinoyatchilar kelyapti. Biz ularni tezroq aniqlash uchun kriminalistik roʻyxatga olish tizimlarini ishga tushiryapmiz", degan Bastrikin.

Eslatib oʻtamiz, avvalroq Ukraina razvedkasi qarashli "yashashni xohlayman" loyihasi Ukrainaga qarshi urushda ishtirok etayotgan 11 ming nafar Oʻzbekiston fuqarolarining roʻyxatini eʼlon qilgan edi. Biroz vaqt oʻtib, asirga tushgan Oʻzbekiston fuqarolari Prezident Shavkat Mirziyoyevdan yordam soʻra, video murojaat qilishgan edi.

Oʻsha vaqtda PARADIGMA.UZ Tashqi ishlar vaziri matbuot kotibi Ahror Burhonov bilan bogʻlangan edi.

Unga koʻra, video murojaat bilan chiqqan fuqarolarning shaxsiga aniqlik kiritilayotgan edi.