«Bugun bu yerga yigʻilgan yetakchilar murakkab geosiyosiy muhitda boʻlgan davlatlar vakillaridir. Biz buni tushunamiz. Sizlar qudratli mamlakatlar oʻrtasida qolgan buyuk millatlarsiz. Bugungi uchrashuv hamkorligimizni mustahkamlash va mamlakatlaringiz oʻz taqdirini oʻzi belgilashini taʼminlash uchun imkoniyatdir», - dedi senator.

«Beqaror Rossiya va tobora tajovuzkor boʻlib borayotgan Xitoy oʻz milliy manfaatlarini butun dunyo boʻylab, koʻpincha qoʻshnilari hisobidan ilgari surayotgan bir paytda, Qoʻshma Shtatlar Markaziy Osiyo mamlakatlariga ishonchli sherik bilan hamkorlik qilish va oʻzaro iqtisodiy rivojlanish uchun haqiqiy imkoniyatni taklif qilmoqda».

Senator, shuningdek, Kongressga AQShning C5+1 formatidagi hamkorlar bilan iqtisodiy hamkorligidagi toʻsiqlarni bartaraf etishga qaratilgan qonun loyihasi kiritilganini maʼlum qildi:

«Ushbu yoʻnalishni qoʻllab-quvvatlash maqsadida men senator [Stiv] Deyns va hamkasblarim bilan birgalikda shu hafta C5+1 formatidagi hamkorlarimiz bilan iqtisodiy hamkorlikni rivojlantirish yoʻlidagi eskirgan toʻsiqlarni bartaraf etishga qaratilgan qonun loyihasini taqdim etdim. Gap Jekson-Venik tuzatishi cheklovlarini bekor qilish haqida ketmoqda».

Bu tuzatish sovuq urushning qoq choʻqqisida, 1974 yilda qabul qilingan. Bu tuzatish AQShning «Savdo toʻgʻrisidagi qonuni»ga kiritilgan boʻlib, inson huquqlari buzilayotgan davlatlar bilan savdo munosabatlarini oʻrnatishda cheklovlar kiritilishini koʻzda tutadi.

Ikki kongressmen – Henri Jekson va Charlz Venikning tashabbusi bilan, oʻsha 1974 yilda SSSRdagi inson huquqlari buzulishi, jumladan sovet fuqarolariga emin-erkin koʻchib ketish huquqi berilmayotganiga qarshi, jazo chorasi sifatida ushbu tuzatish kiritilgan edi.

AQSh Bosh kotibi Marko Rubio bu tuzatishni «eskilik sarqiti» deb atagan va uni bekor qilish kerakligini aytgan.

#sssr

AQSh Oʻzbekiston uchun Jekson-Venik tuzatishini bekor qiladi