Андижонда аёлни дўппослаган дўкон эгаси қўлга олинди

Маълум бўлишича, 2024 йилнинг 15 декабрь куни Андижон шаҳар Ҳунарманд маҳалласида жойлашган кийим савдоси билан шуғулланувчи дўкон эгаси, 1992 йилда туғилган фуқаро А.П. қўл остида сотувчи бўлиб ишловчи, 2005 йилда туғилган фуқаро С.С.га нисбатан ўзаро қарз олди берди масаласи ортидан тазйиқ ва зўравонлик каби хатти-ҳаракатларни содир этган.

"Ҳолат юзасида Андижон вилояти ИИБ ҳузуридаги Тергов бошқармаси томонидан Жиноят кодексининг 138-моддаси 2-қисми (Зўрлик ишлатиб ғайриқонуний равишда озодликдан маҳрум қилиш) билан жиноят иши қўзғатилиб, фуқаро А.П. процессуал тартибда ушланди. Тергов иши Андижон вилояти прокуратураси томонидан назоратга олинган", —  дейилади муносабатда.

Андижон вилояти ИИБ ушбу суратдаги фуқаронинг ноқонуний хатти-ҳаракатларидан жабрланганлардан 102 қисқа рақамига, Андижон шаҳри бўйича ИИО ФМБънинг телефон рақамига 74-223-59-52 ёки яқин орадаги ички ишлар бўлимларига мурожаат қилиш сўрамоқда.