Бутунжаҳон шахмат Олимпиадасининг биринчи кунида ўзбекистонликлар пешқадам бўлди

"Мусобақа 22 сентябрга қадар бўлиб ўтади. Унинг Open дастурида 193 та, аёллар ўртасида эса 181 та жамоа қатнашади. Шунингдек, мусобақа жами швейтсарча шаклда 11 та турдан иборат бўлади", дея қайд этилган хабарда.

Беллашувда Ўзбекистон эркаклар терма жамоасидан Нодирбек Абдусатторов, Жавоҳир Синдаров, Нодирбек Якуббоев, Шамсиддин Воҳидов ҳамда Жаҳонгир Ваҳидовлар қатнашaди. Қизлар терма жамоасидан эса Афруза Ҳамдамова, Нилуфар Якуббоева, Умида Омонова, Маржона Маликова ва Нодира Нодиржонова иштирок этади. 

Кеча бўлиб ўтган баҳсларда Ўзбекистон йигитлар терма жамоаси Тринидад ва Тобаго Республикасининг йигитлар терма жамоаси билан белашди. Унда Нодирбек Абдусатторов рақиби Жоҳнсон Жошуани, Шамсиддин Воҳидов рақиби Cупид Кевинни ҳамда Жаҳонгир Ваҳидов рақиби Ҳарпер Рянни 1:0 натижа билан мағлуб этди. Нодирбек Якуббоев эса рақиби Cабралис Қуинн билан дурранг натижани қайд этиб, биринчи турни 0,5:0,5 ҳисоби билан якунлади. Умумий натижага кўра, Ўзбекистон йигитлар терма жамоаси Тринидад ва Тобаго Республикасининг йигитлар терма жамоасини 3,5:0,5 ҳисобида енгди. 

Қизлар терма жамоаси эса Гаити Республикасининг қизлар терма жамоаси билан куч синашади. Унда Ўзбекистон терма жамоасидаги барча қизлар рақибларини 1:0 ҳисобида мағлуб этди. Умумий натижага кўра, Ўзбекистон қизлар терма жамоаси Гаити Республикасининг қизлар терма жамоасини 4:0 ҳисобида енгди. 

Маълумот учун, Ҳиндистонда бўлиб ўтган 44-Бутунжаҳон шахмат Олимпиадасида Ўзбекистон йигитлар терма жамоаси чемпион бўлган эди.