updated: 22.03.2026, 07:39

Чехия ўзбекистонлик мигрантларга нималарни таклиф қилмоқда?

Чехия мамлакатида бўлиб турган, аммо давлатига қайтиш учун имконияти бўлмаётган Ўзбекистон фуқароларига ёрдам бермоқчи. Бу ҳақда давлатнинг Ички ишлар вазирлиги матбуот хизмати маълум қилди.

Жаҳон

23.09.2024, 11:41

Lotinchada

Улашиш:

Chexiya oʻzbekistonlik migrantlarga nimalarni taklif qilmoqda?

Қайд этилишича, Чехия мигрантлар учун "Ихтиёрий қайтиш" дастурини ишлаб чиққан. Дастурга кўра, мамлакатдан чиқиб кетишда қонуний мажбуриятга эга бўлган, аммо буни бажариш учун қийинчиликларга дуч келаётган чет элликларга ёрдам берилади.

"Биз сизга ватанингизга қайтишингиз билан боғлиқ муаммоларни ҳал қилишда ёрдам берамиз. Бу ерда ноқонуний тарзда яшаб қолишга уринманг. Бундай қилсангиз депортация қилинишингиз ва Чехия Республикаси ёки Европа Иттифоқига келишингизга узоқ муддатли тақиқ қўйилиши мумкин", дейилади вазирлик хабарида.

Шунингдек, Чехия ҳукумати мигрантларга самолётга чипта олиб беришни, ҳатто мамлакатда саёҳат қилиш учун зарур бўлган вақтинчалик ҳужжатни ҳам тақдим этишини ваъда берган.

"Агар сиз Чехия Республикаси ҳудудини “Ихтиёрий қайтиш” дастури ёрдамида тарк этишга қарор қилсангиз, Чехия полицияси иштирокисиз оддий сайёҳ каби ўз мамлакатингизга қайтасиз. Сизнинг саёҳатингиз муносиб тарзда ўтади", дея хабарда қўшимча қилинган.

Вазирлик хабарига кўра, "Ихтиёрий қайтиш" дастуридан маъмурий депортация қилинган ёки давлатдан чиқариб юбориш билан жазо тайинланган фуқаролар юқоридаги имкониятдан фойдаланиши мумкин.

Яна булар қаторига Чехия Республикасига ишлаш ёки ўқиш мақсадида узоқ вақт ёки доимий истиқомат қилиш учун келган, аммо Чехия органлари томонидан визаси бекор қилинган ёки узайтирилмаган бошқа давлат фуқароси ҳам ариза бериши мумкинлиги айтилган.

Жаҳон

23.09.2024, 11:41

Улашиш:

#мигрант #Чехия

мавзуга оид янгиликлар