Германия совет давридаги кўча номларидан воз кечади

Мамлакатнинг шарқий ҳудудларида ҳали ҳам Владимир Ленин, ГДР раҳбарлари Отто Гротевол ва Вильгелм Пик номидаги кўчалар учрайди. Таъкидланишича, Германия бирлашганига 35 йил бўлган бир пайтда репрессиялар ва тоталитар тузум билан боғлиқ шахслар номлари кўчаларда қолмаслиги керак.

Жаҳон

10.12.2025, 16:41

Lotinchada

Улашиш:

Германияда СССР ва ГДР даври арбоблари номи билан аталган ўндан ортиқ кўчалар қайта номланиши мумкин. Бундестагнинг қатағон қурбонлари ишлари бўйича вакили Эвелин Супке Bild нашрига берган баёнотида бу каби номлар замонавий Германия қадриятларига мос келмаслигини таъкидлади.

Bild’нинг ёзишича, баъзи ҳудудларда совет даври билан боғлиқ бошқа номлар ҳам сақланиб қолган. Масалан, Эрфуртда “8 март ЛПХ” кўчаси, Сандерсдорф-Бренада эса социалистик меҳнат рекордлари шарафига номланган кўча бор. Саксония-Анхалтнинг Вайссенфелс-Борау туманида эса Ленин, Германия–Совет дўстлиги ва Вильгелм Пик кўчалари бир нуқтада кесишади.

Маҳаллий ҳокимиятлар номларни ўзгартиришга тайёрлигини билдирган бўлса-да, қарор аҳоли розилиги билан қабул қилиниши кутилмоқда. Ерихов жамоасида Ленин, Пик ва Эрнст Телман номли кўчаларни ўзгартириш режалари кескин баҳсга сабаб бўлган. “Германия учун муқобил” партияси бугунгача қаршилик билдирмоқда. Масала ҳатто олий маъмурий судгача етиб бориб, якуний қарор 26 январда чиқарилиши режалаштирилган.

Аҳоли орасида манзил ўзгариши билан боғлиқ бюрократик жараёнлардан хавотир кучли. Баъзи шаҳарларда эса масала кун тартибига ҳам қўйилмаган — Науенда ҳокимият ҳали бу бўйича бирор таклиф келиб тушмаганини маълум қилган.

Маълумот учун, Иккинчи жаҳон урушида кейин Германия ГФР ва ГДРга бўлинган, Шарқий Германия ССР таъсирида шаклланган эди. 1990 йил 3 октябрда мамлакат расман бирлашган.

Жаҳон

10.12.2025, 16:41

Улашиш:

#Германия #ссср #кўча номлари

мавзуга оид янгиликлар