Ўзбекистонда минимал пенсия ёшини ошириш режалаштирилмоқда

Таклифга кўра:

эркаклар учун — 60 ёшдан 63 ёшгача; 

аёллар учун — 55 ёшдан 58 ёшгача.

Ўзгариш босқичма-босқич амалга оширилади — ҳар йили ярим йилдан қўшиб борилади.

Отажоновнинг таъкидлашича, жаҳоннинг кўплаб мамлакатларида пенсия ёши 65 ёшдан юқори. Ўзбекистонда эса сўнгги 32 йил давомида пенсия ёши оширилмаган.

Ҳозирда мамлакатда ўртача умр кўриш 75 ёшга етган. Агар 20 йил олдин пенсионерлар ўртача 8–9 йил умр кўрган бўлса, бугунги кунда бу кўрсаткич эркакларда 12,5 йилга, аёлларда эса 20 йилга етган.

Шу билан бирга, пенсия ёшини ҳар йили ярим йил эмас, балки 3 ойдан ошириш вариант ҳам кўриб чиқилиши мумкин. Бу ҳолда ислоҳот 12 йил давомида амалга оширилади.

Отажоновнинг таъкидлашича, ҳозирча якуний қарор қабул қилинмаган. Пенсия тизимини ислоҳ қилиш бўйича аҳоли таклифлари бир ой мобайнида махсус платформа орқали йиғилади. Кейин улар муҳокама қилинади ва расмий лойиҳа жамоатчиликка тақдим этилади.