Пенсия тайинлаш соддалашади

Вазирлар Маҳкамасининг 2026 йил 19 октябрдаги 576-сон қарорига асосан тажриба-синов 2026 йил октябрь – декабрь ойларида: 
- Андижон вилояти – Андижон шаҳри ва Олтинкўл тумани;
- Самарқанд вилояти – Самарқанд шаҳри;
- Хоразм вилояти – Урганч ва Хива шаҳарлари, Шовот ва Янгиариқ туманлари;
- Сирдарё вилоятининг барча туман (шаҳар)ларининг пенсия ва бошқа тўловларни тайинлаш, қайта ҳисоблаш ва тўлаш вазифалари Пенсия жамғармасининг ҳудудий бошқармаларига ўтказилади.

2027 йил 1 январдан
Тажриба натижаларига кўра, ихчам хизмат кўрсатиш офислари республиканинг барча ҳудудларида ташкил этилиши режалаштирилмоқда.

Проактив хизматлар (аризасиз)
- ногиронлик гуруҳи қайта белгиланганда ёки муддати узайтирилганда пенсия тўловини давом эттириш;
- I гуруҳ ногиронлиги белгиланганда пенсияни қайта ҳисоблаш;
- боқувчисини йўқотганлик пенсиясини олувчи оила аъзолари сони ўзгарганда тўловни давом эттириш;
- 100 ёшга тўлган фуқароларга қўшимча тўловни тайинлаш;
- паспорт (ID-карта) янгиланганда пенсия тўловини давом эттириш.

Иш стажи
2005 йилгача бўлган иш стажи меҳнат дафтарчасидаги ёзувлар асосида қўшимча ҳужжатларсиз белгиланади. Кейинги даврлар учун маълумотлар электрон реестрлардан олинади.

Электрон пенсия гувоҳномаси
Ягона интерактив давлат хизматлари порталидаги ёки “Ижтимоий карта” мобил иловасидаги шахсий кабинетда автоматик шаклланади ва Ўзбекистон ҳудудида мажбурий қабул қилинади.

Хорижда яшаётган пенсионерлар учун
- бир ой ичида пенсия олиш ҳуқуқини “MyID” орқали тасдиқлаш имконияти яратилади;
- накд пулсиз шаклда пенсия олувчилар ҳар 3 ойда бир марта MyID орқали ҳуқуқини тасдиқлаши керак;
- пенсия тўлови тўхтатилиб, бир йил ичида Ўзбекистонга қайтган пенсионерларга тўлов аризасиз, автоматик тикланади.

Яшаш жойи ўзгарганда
Давлат хизматлари маркази ёки my.gov.uz орқали мурожаат қилиш кифоя: пенсия иши электрон шаклда ўша куннинг ўзида янги яшаш жойидаги бўлимга юборилади.

Комиссия ариза тушгандан кейин 10 кун ичида қарор қабул қилади. Пенсия тўлови тўхтатилиб, фуқаро вафотига қадар тикланмаган бўлса, у тўланмайди.