Ўзбекистонда пенсионерлар сони 4 миллион 200 минг нафардан ошди

Шулардан 3 миллион 514,1 минг нафар фуқаро ёшга доир пенсия, 482,1 минг нафари ногиронлик пенсияси, 245,6 минг нафари эса боқувчисини йўқотганлик пенсиясини олмоқда.

Ҳудудлар бўйича энг кўп пенсия олувчилар Фарғона вилоятида — 500,8 минг нафар, Самарқанд вилоятида — 451,6 минг нафар ва Андижон вилоятида — 399 минг нафарни ташкил этмоқда. Энг кам пенсия олувчилар эса Сирдарё вилоятида — 108,9 минг, Навоий вилоятида — 142,1 минг ва Жиззах вилоятида — 145,2 минг нафар экани қайд этилган.

Маълумот учун, пенсия тизимида рақамлаштириш ва ҳисоб-китоб жараёнларини автоматлаштириш ишлари изчил равишда давом эттирилмоқда.