UzAuto Motors шартномасидаги 21 та кичик банд ўзгартирилди

Қайд этилишича, UzAuto Motors шартномаларидаги бир томонлама шартлар бекор қилинди.

Қўмита таҳлили натижасида компания шартномасининг 21 та кичик банди қонун талабларига мувофиқлаштирилди.

Хусусан, пулни қайтариш муддати шартнома имзолнган кунидан бошлаб 30 кунда эмас 10 кунга қисқартирилди.

Ишлаб чиқарувчига боғлиқ бўлмаган ҳолларда, ишлаб чиқаришда вақтинча узилиш юз берса, автомобилни етказиб бериш муддати 3.1-бандида белгиланган муддатдан 45 кунгача узайтирилиши мумкинлиги сотувчининг мажбуриятлари бўлимида белгиланган эди. Эндиликда 10 кун муддатга қисқартирилди.

Бир русумдаги автомобиль учун бир йилда қайта шартнома тузиш ҳолати аниқланганда, автомобилни етказиб бериш муддати қўшимча 120 кунгача узайтирилиши мумкин эди. Эндиликда бу банд тўлиқ олиб ташланди.

Шунингдек, шартномада сотувчининг қонунчиликда белгиланган мажбуриятлари  ҳам аниқ белгилаб қўйилди.