БАА Эрондан иккита ракета учирилганини маълум қилди

Бирлашган Араб Амирликлари Мудофаа вазирлиги 18 июн санасида Эрондан иккита баллистик ракета учирилганини аниқлаган. Охирги марта жорий йил 4 май куни БААнинг Фужайра портига шундай зарба берилган эди.

Вазирликнинг кейинроқ билдиришича, ракеталар “денгиз транспорти ҳаракати”ни нишонга олган. Иккала ракета ҳам денгизга қулаб тушган.

Эрон Ташқи ишлар вазирлиги матбуот котиби Исмоил Бағойи 19 август куни эрта тонгда БАА баёнотини рад этиб, уни “асоссиз” деб баҳолади.

Ракета таҳдидидан сўнг БАА ўз баёнотида Эрон билан барча савдо ва тижорат алоқалари ҳамда молиявий операцияларни кейинги огоҳлантиришгача тўхтатганини, шунингдек, минтақавий ва халқаро тинчликка путур етганини таъкидлади.

Ракета учирилиши АҚШ ва Эрон ўртасидаги тинчлик музокаралари учун 60 кунлик муддат 17 август куни ҳеч қандай ютуқсиз якунланган бир пайтда содир бўлди.

БАА Ички ишлар вазирлиги сешанба куни аҳолига телефон орқали мурожаат қилиб, ракета таҳдиди ҳақидаги дастлабки огоҳлантиришдан сўнг вазият хавфсиз эканлиги, одамлар кундалик фаолиятга қайтишлари мумкинлигини маълум қилди.

Яқинда БАА Эронни Ҳурмуз бўғози орқали ўтаётган давлатга қарашли ADNOC кемаларига ҳужум қилганликда айблаган эди.

Эрон ADNOC кемаларига қилинган ҳужумлар учун жавобгарликни бўйнига олмади. Эрон Ислом инқилоби посбонлари корпуси аввалроқ, агар бўғоз орқали ўтаётган кемалар Теҳроннинг душманлари билан алоқадор бўлса ёки Эрон кўрсатмаларига риоя этмаса, уларга қарши чора кўрилишини эълон қилган.