updated: 22.03.2026, 12:13

Германиядаги сайловда консерваторлар устун келди

Германияда Бундестаг (Федерал парламентининг пастки палатаси)га бўлиб ўтган навбатдан ташқаридаги сайловда Фридрих Мерц бошчилигидаги ХДИ/ХСИ блоки 28,6 фоиз овоз тўплаб, пешқадамликни қўлга киритди. Иккинчи ўринни 20,8 фоиз билан ГуМ, учинчи ўринни эса 16,4 фоиз билан ГСДП банд қилган. Парламентга "Яшиллар" ва "Чап партия" ҳам кирган. Бу ҳақда мамлакат Федерал сайлов комиссиясига таянган ҳолда, "Deutsche Welle" нашри хабар берди.

Жаҳон

24.02.2025, 12:33

Lotinchada

Улашиш:

Germaniyadagi saylovda konservatorlar ustun keldi

Бугун, 24 февраль куни эълон қилинган расмий натижаларга кўра, Фридрих Мерц бошчилигидаги консерватив ХДИ/ХСИ блоки 28,6 фоиз овоз билан ғолиб чиққан. Иккинчи ўринда жуда ўнгпараст "Германия учун муқобил" партияси 20,8 фоиз овоз тўплаган.

Учинчи ўринда эса чап марказдаги ГСДП — "Германия социал-демократик партияси" 16,4 фоиз билан якунлаган. Тўртинчи ўринда "Яшиллар" ва "90 Уюшмаси" (11,6 фоиз), бешинчи ўринда "Чап Партия" (8,8 фоиз) қайд этган.

ЭрДП — "Либерал эркин демократик партия" ва чап популист СВИ — Сара Вагенкнехт Иттифоқи Бундесдагга ўтмади. Биринчиси 4,3 фоиз овоз, иккинчиси эса 4,972 фоиз тўплаган. Парламентга ўтиш учун камида 5 фоиз овоз йиғиш шарт.

Германия федерация канцлери Олаф Шолц кеча, 23 февраль куни Фридрих Мерц ва ХДИ/ХСИ блоки билан коалиция тузиш бўйича шахсий музокаралар олиб бормаслигини ва янги ҳукумат таркибига кирмаслигини маълум қилди. "Мен канцлерликка номзод бўлдим", дея жараёнга хулоса берган у. "Bild" газетаси унинг сўзларини истеъфога чиқишига ишора сифатида талқин этмоқда.

Фридрих Мерц эса янги ҳукуматни 2025 йил 21 апрель — Пасха байрамига қадар тузишга ваъда берди. Кимлар унга киритилиши ҳақида гапиришдан бош тортган сиёсатчи унинг партияси ГуМ билан бирга давлатни бошқармаслигини таъкидлаган.