Илҳом Алиев Трампни тинчлик бўйича Нобел мукофотига лойиқ кўрди

"Al Arabia"га берган интервюсида Алиев: "Биз Арманистон билан бирга президент Трампни Нобел тинчлик мукофотига номзод қилиб кўрсатдик. У ҳақиқатан ҳам бунга лойиқ. У Африка, Осиё ва Жанубий Кавказда мўжиза яратди. Бу унинг характери, унинг табиати. У тинчликни хоҳлайди. У Ғарб етакчисининг анъанавий қиёфасидан мутлақо фарқ қилади. У жуда дўстона", деди.

Алиев, шунингдек, Трампни “жуда сахий” дея таърифлаб, унинг Трампга муносабати “доимо ижобий бўлганини” айтди.

Ҳозиргача Исроил ва Покистон Трампни тинчлик бўйича Нобел мукофотига номзод қилиб кўрсатган эди.

Шу қаторда, эслатиб ўтамиз, Трамп Исроилнинг Фаластиндаги, хусусан, Ғазо секторидаги ҳужумларининг асосий тарафдорларидан биридир.

Трамп маъмурияти Исроилни оғир қуроллар билан қўллаб-қувватлашдан ташқари, Исроилга молиявий, сиёсий ва дипломатик ёрдам кўрсатиб келмоқда. АҚШ қўллаб-қувватлаётган босқинчи Исроил ҳужумлари натижасида ғазо секторида ҳалок бўлганлар сони 62 622 нафарга етди, уларнинг асосий қисми аёллар ва ёш болалардир