Ким Чен Ин янги ҳарбий мақсадларни эълон қилди

Бу ҳақда давлат ахборот агентлиги KCNA хабар берди. У, шунингдек, сунъий интеллект қўлланилаётган ракета дастуридаги ютуқларни таъкидлади.

Маълум қилинишича, Меҳнат партиясининг 9-қурултойи арафасида 600 мм калибрли 50 та кўп зарядли ракета отиш мосламаси тақдим этилган. Маросим Пхеньянда янги қурилиш лойиҳасига тамал тоши қўйиш тадбири билан бир кунда ўтказилган.

Ким Чен Ин бу қуроллар аниқлик ва қудрат жиҳатидан юқори аниқликдаги баллистик ракетага яқин эканини, улар “стратегик вазифалар”ни бажаришга мўлжалланганини айтган. Жанубий Корея ОАВ бу баёнотни ядровий имкониятларга ишора сифатида баҳоламоқда.

Қурултой мамлакатдаги энг йирик сиёсий тадбир бўлиб, унда янги мақсадлар белгиланади. Жанубий Корея ҳарбийлари эса Шимолий Кореянинг қурол дастурини яқиндан кузатаётганини билдирди.