Шимолий Кореяда суицидга қарши чоралар кучайтирилди — ОАВ

Маълумотларга кўра, мамлакатда суицид ҳолатлари сўнгги вақтларда кескин кўпайган. Шу муносабат билан КХДР раҳбари Ким Чен Ин маҳаллий амалдорларга вазиятни қатъий назорат қилиш бўйича махфий топшириқ юборган.

Бундан аввал “Озод Осиё радиоси” (Radio Free Asia) Шимолий Корея расмийлари ўз жонига қасд қилиш ҳолатларини “социализмга хиёнат” сифатида баҳолашини маълум қилган эди.

Жанубий Корея разведкаси ҳисоб-китобларига кўра, сўнгги бир йил давомида КХДРда суицид ҳолатлари қарийб 40 фоизга ошган.

Мутахассислар ва кузатувчилар бу ҳолатни мамлакатдаги оғир иқтисодий вазият, қашшоқлик ҳамда озиқ-овқат танқислиги билан боғламоқда.

Айни пайтда Шимолий Корея ҳукумати мазкур маълумотлар юзасидан расмий изоҳ бермаган.