Путиндан кейин ким?

73 ёшли Владимир Путин кучли шахсий ҳокимият тизимини яратди, аммо ўзидан кейинги раҳбарни ҳам, ҳокимиятни топшириришнинг аниқ механизмини ҳам тайёрламади. Шу сабабли Путин кетгач, Россияда элиталар ўртасида ҳокимият учун кураш бошланиши мумкин.

Муаммо шундаки, Путиннинг энг яқин сафдошлари ҳам қариб бормоқда. ФСБ раҳбари Александр Бортников 74, Сергей Нарышкин 71, Сергей Шойгу 71, Виктор Золотов 72, Валерий Герасимов 70 ёшда. Уларнинг узоқ вақт юқори лавозимларда қолиши 50–60 ёшдаги кейинги авлоднинг ҳокимиятга кўтарилиши ва бошқарув тажрибаси орттиришига тўсқинлик қилган.

Конституцияга кўра, Путин кетган тақдирда бош вазир Михаил Мишустин вақтинча президент бўлиши ва уч ой ичида сайлов ўтказилиши керак. Аммо муаллиф фикрича, ҳақиқий ворисни сайловдан кўра, Кремл, ФСБ, Хавфсизлик кенгаши, ҳукумат ва парламентдаги тор доирадаги кучли элиталар белгилайди. Бу ҳолат 1953 йилда Сталин вафотидан кейинги ҳокимият курашига ўхшаши мумкин.

Эҳтимолий ворислар орасида Алексей Дюмин (53 ёш), Михаил Мишустин (60 ёш), Вячеслав Володин (62 ёш) ва Сергей Кириенко (64 ёш) тилга олинади. Бироқ муаллиф ҳеч бирини аниқ ворис деб ҳисобламайди.

Мақоланинг асосий хулосаси шуки, Путин ва унинг keksа сафдошлари ҳокимиятда қанча узоқ қолса, кейинги ҳокимият алмашинуви шунчалик мураккаб ва тартибсиз бўлиши мумкин. Эски авлод кетишга тайёр эмас, кейинги авлод эса давлатни бошқариш учун етарли тажриба ва ўзаро ишончга эга эмас. Шу сабабли ворислик масаласи Путин яратган сиёсий тизимнинг энг катта заиф томонларидан биридир.