Россия Малайзия самолётини уриб туширишда айбдор деб топилди — БМТ

Халқаро авиация ташкилоти (ICAO)нинг баёнотида ёзилишича, 2014 йил 17 июлда Малайзия авиакомпаниясининг MH17 рейси Амстердамдан Куала-Лумпурга учиб кетаётган вақтида Украина шарқида россияпараст айирмачилар ва Украина кучлари ўртасидаги жангда уриб туширилган. 

2022 йил ноябрида Голландия судлари икки нафар россиялик ва бир нафар украиналикни судга келтирилмаган ҳолда қотилликда айбдор деб топди. Москва эса Голландиянинг бу қарорни "шармандали" деб атаб, ўз фуқароларини экстрадиция қилмаслигини айтган.

Монтреалда жойлашган ICAO бу борада изоҳ бериш сўровига дарҳол жавоб бермади. Мазкур иш 2022 йилда Австралия ва Голландия томонидан очилган.
 

"Бу қарор ҳақиқатни аниқлаш ва MH17 парвозида ҳалок бўлганларнинг оила аъзолари ҳамда яқинларига нисбатан адолат ва жавобгарликни таъминлаш йўлида муҳим қадамдир", деган Голландия ташқи ишлар вазири Каспар Велдкамп.
 

Голландия ва Австралия ICAO Кенгашидан Россияни товон ҳақидаги музокараларга мажбурлашни талаб қилмоқда.

Австралия ташқи ишлар вазираси Penny Wong эса ўз баёнотида ҳукумат бу қарорни олқишлаганини билдирган ва ИCАОни тез орада компенсация чораларини белгилашга чақирган.

"Биз Россияни бу даҳшатли зўравонлик учун жавобгарликни тан олишга ва халқаро ҳуқуққа мувофиқ товон тўлашга чақирамиз", деган у.

ICАОнинг назорат кучи йўқ, бироқ у 193 аъзога эга бўлган ташкилот сифатида глобал авиация стандартларини белгилайди ва бу қоидалар дунё бўйлаб кенг қабул қилинган.

Эслатиб ўтамиз, 2024 йилнинг 25 декабрь кунида Бокудан Грознийга учаётган Озарбайжоннинг Azerbaijan Аирлинес'га тегишли бўлган йўловчи ташувчи самолёти Қозоғистоннинг Манғистау вилояти Акату шаҳри яқинида қулаб тушган эди.

Дастлабки маълумотларга кўра, самолёт қушлар галасига урилиб кетган деган тахмин илгари сурилган эди. Кейинчалик текширувларда самолёт ҳеч қандай қушлар галасига учрамаган у уриб туширилгани айтилган эди. Расмий равишда бўлмаса хориж ва Азарбайжон маҳаллий нашрлари бу самолётни Россия ҳукумати уриб туширган деган хулосага келган.

Гарчи бу воқеа ҳали якунига етмаган бўлса-да унинг фонида Озарбайжон ва Россия муносабатлари нозиклашган эди. Би неча маротаба Путин Президенти Илҳом Алиев билан телефон орқали мулоқот қилган.

Шунингдек, Озарбайжонда "Россия уйи" ҳам ёпилди. Бундан ташқари бир кун қолганида Илҳом Алиев 9 майга бағишланган Москвадаги ҳарбий парадда қатнашмаслигини маълум қилган эди.