Озарбайжон Россиядаги барча тадбирларни бекор қилмоқда

Ҳукуматнинг бу қарори "Россия ҳуқуқ-тартибот идоралари томонидан этник келиб чиқиши бўйича Екатеринбургда озарбайжонликларга нисбатан намойишкорона, мақсадли ва суддан ташқари қотилликлар ҳамда зўравонлик ҳаракатлари содир этилгани муносабати билан" қабул қилинган.

Маълум бўлишича, жорий йилнинг 27 июнь куни Екатеринбургда 50 дан ортиқ озарбайжонлик қўлга олинган. Мазкур ҳибсга олишлар 2001 йилда озарбайжонлик Юнус Пашаевнинг ўлдирилиши бўйича очилмаган жиноий иш, шунингдек, 2010—2011 йилларда содир этилган яна иккита жиноят билан боғлиқ.

Ушбу иш бўйича гумондор сифатида қўлга олинган ака-ука Гусейн ва Зиёддин Сафаровлар ҳибсга олинишлар вазқтида вафот этган. E1.ru нашри манбасига кўра, улардан бирининг юрагида муаммолар кузатилган ва вафот этган. Иккинчисида ҳам, "худди шундай вазият" кузатилгани айтилмоқда.

Озарбайжон Ташқи ишлар вазирлиги 27 июнь куни Россия хавфсизлик кучлари томонидан ўтказилган рейдлар билан богълиқ вазиятлар учун Россиянинг Озарбайжондаги элчихонаси муваққат ишлар вакили Пётр Волоковични чақиртирилган.

Россия Ташқи ишлар вазирлиги расмий вакили Мария Захаровага кўра, Волокович "Озарбайжон томонига зарур тушунтиришлар берган" ва "вазият ҳуқуқ-тартибот идоралари назорати остида эканига ишонтирган".  29 июнь куни Екатеринбургнинг Ленин туман суди қотиллик иши бўйича гумон қилинган уч кишини тергов изоляторига юборган. Суд яна уч нафар маҳбусга нисбатан эҳтиёт чорасини танлаши кутилмоқда.

Озарбайжон ва Россия ўртасидаги совуқчилик жорий йил бошида Озарбайжон самолётининг уриб туширилишидан кейин жиддийлаша бошлади. Бундай воқеалар фонида президент Илҳом Алиев Россия Федерацияси президенти Владимир Путиннинг 9 май кунига бағишланган ҳарбий парадда иштирок этмаган эди.