updated: 22.03.2026, 18:52

Россияда мигрантларнинг мамлакатга эркин киришини тақиқлаш таклиф қилинди

Россия Меҳнат вазирлиги раҳбари Антон Котяков Ички ишлар вазирлиги билан биргаликда мамлакатга меҳнат муҳожирларини жалб қилишнинг амалдаги тизимини ислоҳ қилиш кераклигини билдирди. Бунинг оқибатида Россияга муҳожирларнинг эркин киришини тақиқланиши мумкин. Бу ҳақида "Ведомости" нашрига таяниб, "Central Asia" маълум қилди.

Жаҳон

15.10.2024, 16:53

Lotinchada

Улашиш:

Rossiyada migrantlarning mamlakatga erkin kirishini taqiqlash taklif qilindi

Вазир "Сивилизатсиялашган модель"дан фойдаланишни таклиф қилган. Бунда ўқитиш, тиббий кўрикдан ўтказиш ва ҳужжатларни тайёрлаш мигрантнинг мамлакатида амалга оширилиши кераклиги айтилади. Бундай ҳолатда иш берувчи кафолатни олади ва хориждан таклиф этилган ходимлар учун жавобгарликни давом эттиради.

"Бўлажак ходим ва иш берувчи ўртасидаги молиявий муносабатларнинг шаффоф ҳамда тушунарли қоидалари шакллантирилиши керак. Мисол учун, агар компания катта харажатларга дучор бўлса, у ҳолда ходим кетган тақдирда бу миқдорни қайтариш мажбурияти бўлади", деган Котяков.

Вазирнинг таъкидлашича, ташкилий ишга қабул қилишда асосий эътибор малакали кадрларга қаратилади. Аммо тажрибаси кам бўлган ишчиларни мамлакатга киритиш давом этади, чунки Россия уларга муҳтож.

Маълум бўлишича, Россия Саноатчилар ва тадбиркорлар иттифоқи ва hh.ru сўровларига кўра, Россияда мигрантларни ёлловчи компанияларнинг 50 фоиздан ортиғи хорижлик ишчилар етишмаслигини бошдан кечирмоқда. Иш берувчилар учун энг катта муаммо — меҳнат бозорида зарур малакага эга бўлган одамларнинг етишмаслиги. Шу билан бирга, респондентларнинг 20 фоиздан камроқ қисми мигрантлар меҳнатидан фойдаланишга расмийлар томонидан киритилган чекловлардан шикоят қилган.

Жаҳон

15.10.2024, 16:53

Улашиш:

#Россия #миграция

мавзуга оид янгиликлар