2026-йилда Ўзбекистондан кўчиб кетганларнинг 83 фоизи Қозоғистонга йўл олган

2026-йилнинг январь-июнь ойларида Ўзбекистондан хорижий мамлакатларга доимий яшаш мақсадида 5 минг 422 нафар фуқаро кўчиб кетган.

Бу кўрсаткич 2025-йилнинг мос даврига нисбатан 129 нафарга ёки 2,3 фоизга камайган.

Хорижга доимий яшаш учун кўчиб кетганларнинг асосий қисми – 83 фоизи Қозоғистон Республикаси ҳиссасига тўғри келган. 14,1 фоизи эса Россия Федерациясига йўл олган.

Шунингдек, кўчиб кетганларнинг 0,8 фоизи Корея Республикасига, 0,6 фоизи Қирғиз Республикасига, қолган 1,5 фоизи эса бошқа давлатларга сафар қилган.

Ҳудудлар кесимида энг кўп фуқаро:

• Қорақалпоғистон Республикаси – 1 899 нафар;
• Тошкент вилояти – 1 431 нафар;
• Навоий вилояти – 1 203 нафар тўғри келди.

Бундан ташқари, Тошкент шаҳридан 492 нафар, Хоразм вилоятидан 79 нафар, Бухоро вилоятидан 59 нафар, Жиззах вилоятидан 50 нафар ва Самарқанд вилоятидан 48 нафар фуқаро хорижга доимий яшаш учун кўчиб кетган.

Энг кам кўрсаткич Сурхондарё вилоятида қайд этилиб, ушбу ҳудуддан 9 нафар фуқаро хорижга доимий яшаш мақсадида кўчиб кетган.