Rossiyada migrantlarning mamlakatga erkin kirishini taqiqlash taklif qilindi

Vazir "Sivilizatsiyalashgan model"dan foydalanishni taklif qilgan. Bunda oʻqitish, tibbiy koʻrikdan oʻtkazish va hujjatlarni tayyorlash migrantning mamlakatida amalga oshirilishi kerakligi aytiladi. Bunday holatda ish beruvchi kafolatni oladi va xorijdan taklif etilgan xodimlar uchun javobgarlikni davom ettiradi.

"Boʻlajak xodim va ish beruvchi oʻrtasidagi moliyaviy munosabatlarning shaffof hamda tushunarli qoidalari shakllantirilishi kerak. Misol uchun, agar kompaniya katta xarajatlarga duchor boʻlsa, u holda xodim ketgan taqdirda bu miqdorni qaytarish majburiyati boʻladi", degan Kotyakov.

Vazirning taʼkidlashicha, tashkiliy ishga qabul qilishda asosiy eʼtibor malakali kadrlarga qaratiladi. Ammo tajribasi kam boʻlgan ishchilarni mamlakatga kiritish davom etadi, chunki Rossiya ularga muhtoj. 

Maʼlum boʻlishicha, Rossiya Sanoatchilar va tadbirkorlar ittifoqi va hh.ru soʻrovlariga koʻra, Rossiyada migrantlarni yollovchi kompaniyalarning 50 foizdan ortigʻi xorijlik ishchilar yetishmasligini boshdan kechirmoqda. Ish beruvchilar uchun eng katta muammo — mehnat bozorida zarur malakaga ega boʻlgan odamlarning yetishmasligi. Shu bilan birga, respondentlarning 20 foizdan kamroq qismi migrantlar mehnatidan foydalanishga rasmiylar tomonidan kiritilgan cheklovlardan shikoyat qilgan.