Кўкдаладаги газ “заправка”нинг портлашига раҳбар сабаб бўлган

Қашқадарё вилоятининг Кўкдала туманида содир бўлган газ “заправка”даги портлаш оқибатида 6 киши ҳалок бўлиб, бир нечта фуқаролар тан жароҳати олган эди. “Ҳудудгазтаъминот” АЖ маълумотига кўра, корхона раҳбарининг ўзбошимчалиги сабаб бўлган. Ҳалок бўлганлар оилаларига 100 миллион сўмдан, жароҳатланганларга эса 50 миллион сўмдан моддий ёрдам кўрсатилган.

Ўзбекистон

13.11.2025, 10:54

Lotinchada

Улашиш:

Техникавий носозлик ва хавфсизлик қоидалари бузилган

“Ҳудудгазтаъминот” АЖ газ тўлдириш иншоотларини ишлатиш бошқармаси бош мутахассиси Ҳасанжон Раҳмоновнинг маълум қилишича, портлаш юз берган корхона тадбиркор томонидан хусусий шериклик асосида ишга туширилган бўлиб, у ерда технологик жараёнлар қоидаларга зид равишда амалга оширилган.

“Сиғимлардаги нафас олиш клапанлари носоз ҳолатда ишлаган, корхона раҳбари эса мутахассис чақирмасдан қурилмани ўзи ишга туширган. Натижада босим белгиланган меъёрдан ошиб кетган, клапанлар очилмай қолган. Шунингдек, жиҳозлар ўз вақтида давлат техник кўригидан ўтказилмаган”, — деди Раҳмонов.

Мутахассиснинг таъкидлашича, хавфли ишлаб чиқариш объектларида барча ускуна ва жиҳозлар белгиланган муддатларда кўрикдан ўтказилиши шарт, аммо мазкур корхона раҳбари бу талабни бажармаган.

Расмий маълумотга кўра, “заправка”да газ баллонларини тўлдириш ишлари ёзнинг энг иссиқ вақтида амалга оширилган.

“Ҳудудгазтаъминот” томонидан иш жараёнларини иссиқ вақтда амалга оширмаслик ҳақида кўрсатма берилган бўлса-да, корхона раҳбари бу огоҳлантирувга эътиборсизлик билан қараб, ишни давом эттирган”, — деди Раҳмонов.

Ҳодиса юзасидан жиноят иши қўзғатилиб, суд-тиббий, кимёвий, биологик, криминалистик ва ёнғин-техника экспертизалари тайинланган.

Расмий маълумотларга кўра, портлаш натижасида дастлаб 4 киши ҳалок бўлган, 15 киши жароҳатланган. Ҳалок бўлганлар оилаларига 100 миллион сўмдан, жароҳатланганларга эса 50 миллион сўмдан моддий ёрдам кўрсатилган.

Ўзбекистон

13.11.2025, 10:54

Улашиш:

#қашқадарё #газ портлаши

мавзуга оид янгиликлар