updated: 22.03.2026, 16:34

АҚШ Қашқадарёдаги тарихий мажмуани қайта тиклаш учун 250 минг АҚШ доллари сарфлади

Қашқадарё вилоятидаги XV асрга оид тарихий Лангар ота мажмуаси АҚШ элчиларининг Маданий меросни сақлаш жамғармаси томонидан 250 минг АҚШ долларлик таъмирлаш лойиҳаси натижасида қайта тикланди ва фойдаланишга топширилди. Бу ҳақда Америка Қўшма Штатларининг Ўзбекистондаги элчихонаси матбуот хизмати хабар қилди.

Маданий

04.06.2025, 17:46

Lotinchada

Улашиш:

AQSh Qashqadaryodagi tarixiy majmuani qayta tiklash uchun 250 ming AQSh dollari sarfladi

Foto: AQSH elchisi

Элчихона хабарига кўра, лойиҳа 2023 йилнинг куз ойларида Чикаго университетининг Қадимги маданиятларни ўрганиш институти раҳбарлигида бошланган. Таъмирлаш ишлари асосий кошин панелларни мустаҳкамлаш, пойдеворни кучайтириш ва эскирган томни алмаштириш ишларини ўз ичига олган.

Foto: AQSH elchixonasi

"Маданий мерос тарихимизни тушунишимиз ва ўзимизни англашимизнинг ажралмас қисмидир. У миллий чегаралардан устун туради. Лангар Ота бутун дунё халқлари учун муҳим аҳамиятга эга жой, ва биз унинг тарихида ўз ҳиссамизни қўшиш имкониятини чуқур қадрлаймиз", деган элчи Хеник.

Хабарга кўра, ушбу лойиҳа АҚШнинг Марказий Осиёда минтақавий барқарорликни қўллаб-қувватлаш, маданиятлараро алоқаларни ривожлантириш ва умумий асраб-авайлаш бўйича кенг қамровли саъй-ҳаракатларига ҳисса қўшади. У Американинг Ўзбекистон тарихига чуқур ҳурматини ва маданий меросни сақлашда халқаро ҳамкорликнинг муҳимлигини таъкидлайди.

Сўнгги йилларда АҚШ ва Ўзбекистоннинг бу соҳадаги ҳамкорлиги янада чуқурлашди. 2023 йилда АҚШ ва Ўзбекистон ўғирланган тарихий буюмларнинг ноқонуний савдосига қарши биргаликда курашиш тўғрисида битим имзолади. Ушбу ҳамкорлик тарихий ёдгорликларнинг хавфсизлигини яхшилаш ва ўғирланган бойликларни топиб, Ўзбекистонга қайтаришни таъминлаш учун ҳуқуқни муҳофаза қилиш органлари ўртасидаги ҳамкорликни кенгайтиришга қаратилган.

Маданий

04.06.2025, 17:46

Улашиш: