Марсга учиш одамларни ердаги офатлардан ҳимоя қилади — Илон Маск

Маскга кўра, сайёҳлар билан Марсга саёҳат қилиш фақат ҳар икки йилда бир марта амалга оширилиши мумкин.

"Агар учирилган барча кемалар Марсга муваффақиятли қўнса, тўрт йилдан кейин одамларга мўлжалланган миссияларни ҳам амалга оширишимиз мумкин бўлади. Мабодо қийинчиликлар юзага келса, экипаж билан парвозлар яна икки йилга кечиктирилади", дейди компания асосчиси.

Маскнинг қўшимча қилишича, сайёҳларнинг Марсга қўнишида кузатилиши мумкин бўлган қийинчилик компаниянинг келгуси ишларини амалга оширишда қийинчилик туғдиради. Бироқ учиш ерда юз бериши мумкин бўлган кўплаб офатлардан одамларни ҳимоя қилади.

"Қўниш муваффақиятли бўладими ёки йўқми, "SpaceX” компанияси барибир Марсга юбориладиган кемалар сонини кўпайтиришни режалаштиради. Биз хоҳлаймизки, космик саёҳатчи бўлишни орзу қилган ҳар бир киши Марсга бора олсин! Бу сен, оиланг ёки дўстларинг бўлиши мумкин — ким ўзида буюк саргузаштга интилиш ҳис қилса, уларга имконият берамиз. Охир-оқибат, Марсга минглаб "Starship" кемалари юборилади ва бу ажойиб манзара бўлади!", дея ёзган Маск.

Шунингдек, Илон Маск "Starship" дастурининг катта ҳажмдаги давлат бюрократияси томонидан бўғилиб қолишидан хавотирда эканлигига ҳам тўхталган ва бу йилдан-йилга ортиб бораётганини қайд этган.

"Америкалик миллиардерларнинг сўзларига кўра, бу бўғувчи қоғозбозлик АҚШдаги барча йирик лойиҳаларга таъсир кўрсатмоқда", дея постни якунлаган у.