Мева-сабзавот ва озиқ-овқат маҳсулотлари экспорти 3,5 миллиард долларга етказилади

Фармонга кўра, 2025–2027 йилларда мева-сабзавот ва озиқ-овқат маҳсулотлари экспортини жадал ривожлантириш ҳамда қўшилган қиймат занжирини яратиш мақсад қилинган.

Асосий кўрсаткичлар:

2026 йилда экспорт ҳажми 3,5 млрд долларга, 2027 йилда эса 4 млрд долларга етказилади;

Табиий газ билан таъминланган иссиқхоналарда маҳсулот етиштириш ҳажми 2026 йилда 620 минг тонна, 2027 йилда 670 минг тонна бўлади;

Иссиқхона маҳсулотлари экспорти улуши 30 фоиздан 70 фоизгача оширилади;

2026 йилда 20 минг гектар, 2027 йилда 15 минг гектар майдонга мева ва сабзавот кўчатлари экилади.

Бериладиган имтиёзлар:

2026 йил 1 январдан 2028 йил якунигача ижтимоий солиқ ставкаси 1 фоиз этиб белгиланади;

2025 йил 1 октябр ҳолатигача бўлган солиқ қарзлари фоизсиз 2028 йил охиригача узайтирилади;

Маъмурий ва молиявий жарималар ҳамда ҳисобланган пенялар бекор қилинади;

Инкассо топшириқномалари қайтариб олинади;

Иссиқхона ерлари учун солиқ қишлоқ хўжалиги ерлари ставкалари бўйича ҳисобланади;

Ер фонди тоифасини ўзгартирмасдан иссиқхона инфратузилмаси объектларини қуришга рухсат берилади (қозонхона, қадоқлаш цехи ва бошқалар).

Қўшимча қўллаб-қувватлов:

Иссиқлик ва совитиш хизматлари учун харажатларнинг 50 фоизи миқдорида имтиёзли кредитлар (йиллик 14%) ажратилади;

Энергия самарадорлиги ускуналари ўрнатиш харажатларининг 20 фоизи давлат жамғармаси ҳисобидан қоплаб берилади.