Оҳангарондаги олтини бўлган ер майдони қариб 82 млрд сўмга сотилди

Аукцион жорий йилнинг 19 август куни E-auksion платдормасида Тошкент вилояти Оҳангарон туманидаги Терекли участкасида геология-қидирув ишларини олиб бериш ҳуқуқини берувчи аукцион бўлиб ўтган.

Терекли участкаси Шаугоз қишлоғидан 9,6 км жануби-шарқда жойлашган бўлиб, унинг майдони 65 гектар, олтиннинг тахминий захираси эса 2 тоннага баҳоланмоқда.

“Газета.уз” нинг ёзишича аукционда ғолиб бўлган ташкилот 2021 йил март ойида Самарқанд вилоятининг Тайлоқ туманида рўйхатдан ўтган. Расмий равишда у кўп қаватли уйлар ва уй-жойларни ижарага бериш ва бошқариш соҳасида ишлайди.

Компаниянинг устав капитали 67,88 миллиард сўм бўлиб, тўлиқ Бахтиёр Маъруповга тегишли. У яна 45 та компания, жумладан Afrasiab Jeans Textile, Puremilky Products, Pet Agro Oil (77,1%) ва Sam Plast Works асосчиси сифатида тилга олинади.