Ohangarondagi oltini boʻlgan yer maydoni qarib 82 mlrd soʻmga sotildi

Auksion joriy yilning 19 avgust kuni E-auksion platdormasida Toshkent viloyati Ohangaron tumanidagi Terekli uchastkasida geologiya-qidiruv ishlarini olib berish huquqini beruvchi auksion boʻlib oʻtgan.

Terekli uchastkasi Shaugoz qishlogʻidan 9,6 km janubi-sharqda joylashgan boʻlib, uning maydoni 65 gektar, oltinning taxminiy zaxirasi esa 2 tonnaga baholanmoqda.

“Gazeta.uz” ning yozishicha auksionda gʻolib boʻlgan tashkilot 2021 yil mart oyida Samarqand viloyatining Tayloq tumanida roʻyxatdan oʻtgan. Rasmiy ravishda u koʻp qavatli uylar va uy-joylarni ijaraga berish va boshqarish sohasida ishlaydi.

Kompaniyaning ustav kapitali 67,88 milliard soʻm boʻlib, toʻliq Baxtiyor Maʼrupovga tegishli. U yana 45 ta kompaniya, jumladan Afrasiab Jeans Textile, Puremilky Products, Pet Agro Oil (77,1%) va Sam Plast Works asoschisi sifatida tilga olinadi.