Замонавий урушнинг хавфли қуроли: Навигация бузилди, юзлаб кемалар ортда қолди

Бу ортиқча таъсир натижасида юзлаб кемаларнинг навигация тизимлари ишдан чиқди.

Маълумотларга кўра, 28 февралда БАА, Қатар, Умон ва Эрон сувларида 1100дан ортиқ савдо кемасининг навигацияси электрон аралашувлар туфайли бузилган. Бу ҳолат Ҳурмуз бўғозидаги денгиз ҳаракатини сезиларли равишда секинлатди ва хавфли вазият яратди.

Windward компанияси таҳлилчиси Мишел Визе Бокманнинг айтишича, кемалар навигациясининг бузилиши «жуда хавфли» бўлиб, замонавий урушлардаги энг мураккаб таҳдидлардан бири ҳисобланади.

Шунингдек, дастлабки 24 соатда минтақада 21 та янги GPS бузилиш нуқтаси аниқланди, кейин эса бу рақам 38 тага етди. 3 мартга қадар 655 кемани қамраб олган 1735 та GPS аралашуви қайд қилинди. Ҳодисалар одатда 3–4 соат давом этган.

Замонавий GPS тизимлари, шу жумладан АҚШнинг GPS, Европа Galileo, Хитой BeiDou ва Россия GLONASS сигналлари кўпинча очиқ бўлгани учун электрон сигналлар билан осонликча бузилиши мумкин. Бу замонавий кемалар ва самолётларнинг навигациясини электрон ҳужумларга нисбатан заиф қилади.