Олис ҳудудларда ўқув маркази очмоқчи бўлганларга фоизсиз қарз берилади

Ушбу ҳужжатга кўра фоизсиз қарзнинг миқдори белгиланди.
2025 йил 1 августдан БҲМ = 412 000 сўм бўлишидан келиб чиқилса:
БҲМнинг 320 баробари = 131 840 000 сўм.
Ушбу миқдор фоизсиз ссуда сифатида ажратилади.

Ушбу қарзги кимлар олиши мумкин?

Якка тартибдаги тадбиркор ёки ёшлар иштирокидаги юридик шахслар;
Таъсисчи хорижий тил бўйича камида С1 даражадаги миллий ёки халқаро сертификатга эга бўлиши лозим (сертификат муддати — 2 йилдан ошмаган бўлиши керак);
Лойиҳада ўқитиладиган ўқувчиларнинг камида 20 фоизи "Ёшлар дафтари"га киритилган бўлиши талаб этилади.

Мазкур қарзни беришдаги асосий шартлар қуйидагилар ҳисобланади:
Қарз 3 йил муддатга, шу жумладан 6 ойлик имтиёзли давр билан берилади;
Қарз ажратилган маблағ тадбиркорнинг ҳисоб рақамига ўтказилади ва тенг улушларда қайтарилади;
Устав фондидаги улуш бошқа шахсга ўтказилмаслиги ва камайтирилмаслиги лозим;
Маблағларнинг мақсадли ишлатилиши мониторинг қилинади.