Ўзбекистонда 6 ойда қанча божхона тўловлари ўтказилгани очиқланди

Божхона қўмитаси 6 ой ичида 11 мингдан ортиқ тадбиркорларга 24,6 трлн сўм божхона тўловларидан имтиёз ва преференсиялар қўлланилди, 2,8 трлн сўм божхона тўловларини кечиктириб тўлашга рухсат берилди. Бу ҳақда Божхона қўмитаси ахборот хизмати хабар қилди.

Ўзбекистон

11.07.2025, 13:54

Lotinchada

Улашиш:

Oʻzbekistonda 6 oyda qancha bojxona toʻlovlari oʻtkazilgani ochiqlandi

Foto: “Daryo” / Madina Nurman

Қайд этилишича, дастлабки ярим йилликда ўтган йилнинг шу даврига нисбатан ташқи савдо товарлари 5 фоизга, шу жумладан, экспорт ҳажми 7 фоизга, расмийлаштирилган божхона юк декларатсиялари 12 фоизга кўпайган.

Божхона чегаралари орқали юкли автомобиллар 165 мингтага, юкли вагонлар 376 мингтага, йўловчилар сони 3,3 млн нафар ошган.

Таъкидланишича, тадбиркорларни қўллаб-қувватлашга қаратилган чора-тадбирлар натижасида 11 мингдан ортиқ тадбиркорларга 24,6 трлн сўм божхона тўловларидан имтиёз ва преференсиялар қўлланилди, 2,8 трлн сўм божхона тўловларини кечиктириб тўлашга рухсат берилди.

Давлат бюджетига 34 трлн сўм божхона тўловлари ўтказилиб, белгиланган режа ижроси тўлиқ таъминланди. Божхоначилар томонидан аниқланган 19 мингдан зиёд контрабанда ва божхона қонунбузилиши ҳолатларида қиймати 564 млрд сўмлик товар-моддий бойликларнинг божхона чегаралари орқали ноқонуний олиб ўтилиши ва ички ҳудуддаги яширин айланмасига чек қўйилди.

Айниқса, ноқонуний муомаладан олиб қўйилган валюта қимматликлари ўтган йилнинг шу даврига нисбатан 3 баробарга, заргарлик буюмлари эса қарийб 2 баробарга ортган. Ҳисобот даврида божхона ходимлари 1247 кг гиёҳвандлик воситалари, 156 кг психотроп ва кучли таъсир этувчи моддаларни тўхтатиб қолди.

Ўзбекистон

11.07.2025, 13:54

Улашиш:

#Ўзбекистон #божхона #тўлов

мавзуга оид янгиликлар