Ўзбекистон делегацияси Ислом бирдамлик ўйинларига 194 нафар спортчи билан боради

Мусобақада Ўзбекистон делегацияси жами 194 нафар спортчи билан иштирок этади. Бу ҳақда мусобақанинг расмий сайти хабар берди.

Маълумот учун, Ўзбекистон Конья–2021 Ислом бирдамлик ўйинларида 250 нафардан зиёд спортчи билан қатнашиб, умумжамоа ҳисобида иккинчи ўринни эгаллаган эди.

Бу йил Ўзбекистон делегацияси таркибида энг кўп иштирокчи енгил атлетика бўйича, энг ками эса дуатлон ва жиу-житсу йўналишларида қатнашади. Шунингдек, юртимиз спортчилари илк бор туя пойгасида ҳам иштирок этади — катта эҳтимол билан бу йўналишда от спорти вакилларимиз, яъни чавандозлар стартга чиқиши кутилмоқда.

Делегация таркиби (спорт турлари бўйича):

• Енгил атлетика – 37 нафар;

• Бокс – 8 нафар;

• Туя пойгаси – 4 нафар;

• Дуатлон – 2 нафар;

• От спорти – 4 нафар;

• Қиличбозлик – 15 нафар;

• Футзал – 14 нафар;

• Гандбол – 16 нафар;

• Жиу-житсу – 2 нафар;

• Дзюдо – 12 нафар;

• Каратэ – 6 нафар;

• Муай-тай – 6 нафар;

• Пара енгил атлетика – 4 нафар;

• Пара пауэрлифтинг – 3 нафар;

• Сузиш – 16 нафар;

• Таэквондо WT – 12 нафар;

• Оғир атлетика – 15 нафар;

• Спорт курашлари – 18 нафар.