Oʻzbekiston delegatsiyasi Ar-Riyoddagi Islom birdamlik oʻyinlariga 194 nafar sportchi bilan boradi

Musobaqada Oʻzbekiston delegatsiyasi jami 194 nafar sportchi bilan ishtirok etadi. Bu haqda musobaqaning rasmiy sayti xabar berdi.

Maʼlumot uchun, Oʻzbekiston Konya–2021 Islom birdamlik oʻyinlarida 250 nafardan ziyod sportchi bilan qatnashib, umumjamoa hisobida ikkinchi oʻrinni egallagan edi.

Bu yil Oʻzbekiston delegatsiyasi tarkibida eng koʻp ishtirokchi yengil atletika boʻyicha, eng kami esa duatlon va jiu-jitsu yoʻnalishlarida qatnashadi. Shuningdek, yurtimiz sportchilari ilk bor tuya poygasida ham ishtirok etadi — katta ehtimol bilan bu yoʻnalishda ot sporti vakillarimiz, yaʼni chavandozlar startga chiqishi kutilmoqda.

Delegatsiya tarkibi (sport turlari boʻyicha):

• Yengil atletika – 37 nafar;

• Boks – 8 nafar;

• Tuya poygasi – 4 nafar;

• Duatlon – 2 nafar;

• Ot sporti – 4 nafar;

• Qilichbozlik – 15 nafar;

• Futzal – 14 nafar;

• Gandbol – 16 nafar;

• Jiu-jitsu – 2 nafar;

• Dzyudo – 12 nafar;

• Karate – 6 nafar;

• Muay-tay – 6 nafar;

• Para yengil atletika – 4 nafar;

• Para pauerlifting – 3 nafar;

• Suzish – 16 nafar;

• Taekvondo WT – 12 nafar;

• Ogʻir atletika – 15 nafar;

• Sport kurashlari – 18 nafar.