Ўзбекистон мобил интернет нархлари рейтингида 43 ўринни эгаллади

Мамлакатдаги ўртача иш ҳақи асосида мобил интернет мавжудлигини баҳоловчи мобил маълумотларнинг арзонлиги индексида рейтингни аниқлаш учун муаллифлар 10 Гб дан ортиқ маълумотга эга бўлган ойлик мобил телефон режасининг ўртача нархини ўртача иш ҳақи билан солиштирган.

Мобил интернет мавжудлиги бўйича МДҲ давлатлари орасида Россия 26, Ўзбекистон 43, Арманистон 55, Беларус 61, Қозоғистон 63, Қирғизистон 90, Озарбайжон 114, Тожикистон 163-ўринни эгаллаган.

Афғонистон интернетдан фойдаланиш имконияти бўйича Тожикистонни рейтингда икки поғонага ортда қолдириб, 161-ўринни эгаллаган. Рейтингга кўра, бутун дунё бўйлаб 10 Гб дан ортиқ маълумотларга эга мобил телефон режасининг ўртача нархи 24,20 долларни ташкил этади, одамлар бунга ўз маошларининг 4,1 фоизини сарфлайди. 

Интернет нархлари рейтингида Ўзбекистон 22-ўринда (1 гигабайтнинг ўртача нархи 0,30 доллар) қўшни Қирғизистон 8-ўринда (0,17 доллар), Россия 15-ўринда  (0,25 доллар), Қозоғистон 35-ўринда (0,41 доллар), Беларус 66-ўринда (0,67 доллар), Арманистон 88-ўринда (0,98 доллар), Озарбайжон 146-ўринда (1,76 доллар) жойлашган.