Тошкент Марказий Осиёдаги энг хавфсиз шаҳар деб топилди

Унга кўра, Ўзбекистон пойтахти Тошкент Марказий Осиё шаҳарлари орасида энг хавфсиз шаҳар деб топилди.

Жаҳон рейтингида Тошкент 51-поғонани эгаллади. Марказий Осиёдан рўйхатга кирган яна икки шаҳар — Остона (дунё бўйича 81-ўрин) ва Олмаота (дунё бўйича 195-ўрин) бўлди.

Топ-100 талик рўйхатдан МДҲ мамлакатларининг жами тўққизта шаҳри ўрин олган. Бу борада Россия энг юқори кўрсаткични қайд этди. Хусусан, Нижний Новгород (56-ўрин), Қозон (72-ўрин), Калининград (78-ўрин) ва Москва (99-ўрин) шаҳарлари энг хавфсиз шаҳарлар қаторига кирди.

Дунёнинг энг хавфсиз 10 шаҳри:

1. Абу-Даби (БАА)
2. Доҳa (Қатар)
3. Дубай (БАА)
4. Тайпей (Тайван)
5. Шаржа (БАА)
6. Манама (Баҳрайн)
7. Мускат (Уммон)
8. Гаага (Нидерландия)
9. Мюнхен (Германия)
10. Трондхайм (Норвегия)

Қайд этилишича, рейтингни шакллантиришда фақатгина жиноятчилик даражаси эмас, балки полиция хизматининг самарадорлиги, жамоат хавфсизлиги ҳамда шаҳар инфратузилмасининг сифати каби омиллар ҳам инобатга олинган. Ушбу мезонлар шаҳарлардаги ҳақиқий яшаш муҳитининг хавфсизлик даражасини комплекс тарзда баҳолаш имконини беради.